Kataloq.NET

KATALOQ [yunanca katalogos – siyahı], – Müəyyən qayda üzrə tərtib olunmuş şeylərin (kitabların, əlyazmaların, muzey eksponatların və s.) siyahısı.  
(Azərbaycan Dilinin İzahlı Lüğəti, red. Əliheydər Orucov, Şərq-Qərb, Bakı-2006)

Kataloqlar, böyük həcmdə məlumatların asanlıqla tapılması üçün tərtiblənən sistemlərdir. Məhz elə ona görə də biz layihəmizi kataloq formasında tərtiblənməsini düşündük. Azərbaycanla əlaqədar bir çox faydalı məlumatı eyni İnternet resursunda rahat bir şəkildə tapma imkanını verən sistemə Kataloq adını verməyə qərar verdik. 

Kataloq sözündə istifadə olunan bütün hərflər ingilis hərfləri olduğuna görə, domain almaqda da çətinlik çəkmədik. Sizcə uğurlu bir ad seçə bildikmi?

Kimlər şəxslər kataloquna əlavə oluna bilər sualının cavabını özümüz üçün müəyyəlnəşdirdik. Azərbaycan adını ölkəmizdə və ölkədən kanar ucaldanlar, adı Azərbaycanla assosiasiya olunanlar, Azərbaycan naminə xeyirli işlər görənlərin adı həmin kateqoriyada yer almağa layiqdir. Ağlımızda olan siyahı tükənəndən sonra, daha konkret bir yol seçmək üçün Fəxri Xiyabanda dəfn olunanların siyahısını alıb, oradakı şəxslər barədə məlumatı araşdırmağa başladıq.

Fikrinizcə, nə dərəcədə düzgül yolu seçmişik və daha kimləri Azərbaycanın dahı şəxsiyyətləri arasına əlavə etmək olardı?

Kataloq.NET saytının rəsmi bloquna xoş gəlmisiniz!

Nəhayət ki, Kataloq ailəsi də bloq aparmaq niyyətinə gəldi. Bu bir qədər artıq məsuliyyət tələb etsə də, fikirlərimizi sizlərlə bölüşmək və sizin şərh və tövsiyyələrinizi almaq bizim üçün çox önəmlidir. Ona görə də sizi zaman-zaman bloqumuzu ziyarət edib, Kataloq.NET barədə son xəbərləri öyrənmək və onlara öz münasibətlərinizi bildirməyi xahiş edirik.

Bir daha xoş gördük.